Bulusan Wakes Up: Alert Level 1 Itinaas sa Sorsogon

Bulusan Volcano is back on watch matapos itaas ng Phivolcs ang Alert Level 1 sa Sorsogon nitong Linggo. Ibig sabihin, hindi pa ito full eruption scenario, pero malinaw na may low-level unrest na ulit sa bulkan at puwedeng mauwi sa biglaang steam-driven activity.

Ayon sa state volcanologists, nakapagtala sila ng 475 volcanic earthquakes sa paligid ng Bulusan simula pa noong March 15. Karamihan dito ay mahihinang volcano-tectonic quakes na konektado sa pagbitak ng bato sa mababaw na bahagi sa ilalim ng bulkan.

Napansin din ng Phivolcs ang pamamaga o inflation sa western at southeastern flanks ng Bulusan nitong mga nakaraang linggo. Para sa mga eksperto, senyales ito na may hydrothermal processes na nangyayari sa ilalim, at iyon ang posibleng mag-trigger ng phreatic eruptions sa summit vents.

Dahil dito, pinaalalahanan ang publiko at local officials na iwasan ang 4-kilometer permanent danger zone sa paligid ng bulkan. Kabilang sa mga posibleng panganib ang ashfall, rockfall, ballistic fragments, pyroclastic density currents, at iba pang hazards kung sakaling sumiklab ang steam-driven eruption.

Hindi ito first warning sign para sa Bulusan dahil may kasaysayan na rin ito ng phreatic eruptions matapos ang earthquake swarms, gaya noong 2022 at 2025. Sa ngayon, bantay-sarado muna ang sitwasyon habang hinihintay kung hihina ba ang activity o tuluyan pang iinit ang galaw ng bulkan.

Source: Rappler<\/a>