Sa contract signing ni Carla Abellana sa All Access to Artists, nabanggit nitong nag-expire na ang kontrata niya sa GMA Network at under negotiation ang pagre-renew niya ng kontrata.
Wala pang balita kung anong update sa kontrata ang aktres.
Pero, tuloy pa rin ang project niya sa GMA-7.
Kasama siya sa guest sa action-packed series na ‘Black Rider’ bilang teacher na nakidnap. Guest lang si Carla, pero nagkasugat-sugat siya, Makikita ‘yun kapag pinanood na ang nasabing series simula November 6, 8pm sa GMA-7.
Samantala, nagpasalamat si Ruru Madrid nang i-post ni Carla ang trailer ng ‘Black
Rider’ pati ang buong caption.
“Thank you so much Ate Cars! Malaking karangalan para sa aming lahat ang makasama ka namin sa Black Rider! Salamat sa lahat ng efforts at husay sa pag arte! Godbless always Ate Cars!,” pasasalamat ni Ruru.
Sagot ni Carla, “@rurumadrid Ngayon palang, isang malaking CONGRATULATIONS sayo, Ruru.”
Sa Nov. 13 naman, mapapanood si Carla kasama sina Beauty Gonzalez at Gabby Concepcion sa afternoon prime series na ‘Stolen Life’ . Tungkol ito sa astral projection. Binanggit ni Carla ang story behind the series na “It’s when your soul leaves your body to roam around, travel and even enter into someone else’s body.”
(Nitz Miralles)
The post Carla nasugatan sa serye ni Ruru first appeared on Abante Tonite.
Keep on reading: Carla nasugatan sa serye ni Ruru
