Gigiyahan ni 2020+1 Tokyo Olympic women’s 55kg champion Hidilyn Diaz ang 7-player national team na kakasa sa International Weightlifting Federation World Championships sa Setyembre 4-17 sa Riyadh, Saudi Arabia.
Nasa PH squad din ang Tokyo Olympian na si Elreen Ann Ando na makakatapat ni Diaz sa 59kg makaraang alisin ang 55kg sa 33rd Summer Olympic Games 2024 sa Paris France.
Ang iba pa ay sina world junior champion Vanessa Sarno, Kristel Macrohon, two-time Asian junior champion Rosegie Ramos, Lovely Inan, at 2020 World Cup bronze winner John Febuar Ceniza.
Isang qualifying event ito para sa 2024 Paris Olympics na may world-ranking points. Limang kompetisyon na may basbas ng IWF ang kailangang lahukan ng isang weightlifer upang mag-qualify sa susunod na taong quadrennial sportsfest.
Tanging si pole vaulter Ernest John ‘EJ’ Obiena pa lang ang atletang Pinoy na pasok sa susunod na taong Paris Games. (Abante TONITE Sports)
The post Hidilyn Diaz, Elreen Ando magtutuos sa 59-kg event first appeared on Abante Tonite.
Keep on reading: Hidilyn Diaz, Elreen Ando magtutuos sa 59-kg event
