Ipagpapatuloy ni 2024 Paris Olympic-bound Ernest John ‘EJ’ Obiena ang kampanya sa Europe pagkaraang kopoin ang medalyang pilak sa 19th World Athletics Championships sa Budapest, Hungary nitong August 19-27.
Sasabak ang reigning World Athletics men’s pole vault No. 2 at 27-anyos na Pinoy mula sa Tondo, manila sa dalawang bahagi ng Wanda Diamond League sa Zurich, Switzerland sa Aug. 31 at sa Brussels, Belgium sa September 8.
Ang dalawang paligsahan, ayon nitong isang araw kay Philippine Athletics Track and Field Association secretary general Edward Kho ay parte ng paghahanda ng atleta para sa 19th Asian Games sa Hangzhou, China sa Sept. 23-October 8.
Makaka-rematch ni Obiena sa Zurich at Brussels ang mga karibal sa Budapest sa pangunguna ni WAC gold medal winner Swiss Armand Duplantis at co-bronze medalists Kurtis Marschall ng Australia at Chris Nilsen of the United States, at iba pa.
(Abante TONITE Sports)
The post EJ Obiena ipagpatuloy kinang sa Switzerland, Belgium meet first appeared on Abante Tonite.
Keep on reading: EJ Obiena ipagpatuloy kinang sa Switzerland, Belgium meet
